網民話似樣　夏蕙姨：80似40好開心

日前秘密返港嘅王祖賢個樣又腫又膠，噚日夏蕙姨同𡃁模羅彩玲（Vivian）以校服look喺理工大學拍有線節目，問覺唔覺祖賢個樣有變？夏蕙姨話：「冇乜特別，女人有時唔化妝會覺得憔悴，佢都好靚呀。」祖賢個樣膠膠哋？佢話：「冇認真睇過，睇相睇唔到。」有網民話祖賢個膠樣激似夏蕙姨？佢笑話：「我都想似佢咁靚，我老，80歲喇，我唔係後生女，我係阿婆，如果我似佢咪好囉，我開心。」佢又話想同祖賢合作。
當年同樣係男士女神嘅鍾楚紅，噚日喺尖沙嘴出席手錶活動，受到無綫劇《衝上雲霄II》嘅效應影響，大會搵埋馬國明、吳卓羲同何君誠着住機師衫行騷。

[img]http://static.apple.nextmedia.com/images/apple-photos/apple/20130828/large/28ec2p11.jpg[/img]
■夏蕙BB同羅彩玲以校服造型出現，你話邊個嬌俏啲？


[img]http://static.apple.nextmedia.com/images/apple-photos/apple/20130828/large/28ec6p5.jpg[/img]
■夏蕙BB同羅彩玲以校服造型出現，你話邊個嬌俏啲？


[img]http://static.apple.nextmedia.com/images/apple-photos/apple/20130828/large/28ec6p4.jpg[/img]
王祖賢


依然美艷嘅紅姑講到祖賢走樣兼膠面，佢話：「會唔會影相角度？或者俾你哋嚇親？有時突然間跳出嚟影相，好多影到怪樣，佢係靚女！」戥王祖賢慘？佢話：「我都成日俾人批評，最好唔好理人，否則好辛苦。」
另噚日有周刊話祖賢返嚟係應丁子高邀請出席活動，點知貨不對辦退貨，又話丁子高係經老婆楊千嬅識祖賢，噚日千嬅話：「我都唔識祖賢點介紹？」而丁子高亦發聲明指根本冇咁嘅事，至於有傳張玉珊想斟祖賢做代言，佢噚日話：「係，但搵唔到佢！」

來源:蘋果日報網站